Акафисты

АКАФИСТ СВЯЩЕННОМУЧЕНИКУ СЕРАФИМУ (ЗВЕЗДИНСКОМУ), ЕПИСКОПУ ДМИТРОВСКОМУ, ВИКАРИЮ МОСКОВСКОЙ ЕПАРХИИ

szv
Кондак 1

Избранный от Бога архиерею и исповедниче Христов, в годину безбожия на подвиг стояния за веру Христову призванный, и мученическим венцем преславно украсивыйся, восхваляем тя любовию, священномучениче Серафиме, ты же, яко имеяй велие дерзновение ко Господу, моли избавитися нам от скорбей, напастей и болезней, да зовем ти:
Радуйся, священномучениче Серафиме, града Дмитрова похвало и всея земли Российския преславный чудотворче.

Икос 1

Ангелов Творец и всея твари Создатель, провидев, яко сосуд избран Божия благодати имаши быти, священномучениче Серафиме, от юности воспита тя в подвижника совершенна о Христе, сильнаго словом и делом. Егда же Божиим попущением прииде на Церковь Христову гонение лютое, направи тя Господь на подвиг страдальческий, в немже ты верность Ему даже до мученическия смерти сохранил еси. Мы же прославляюще тя, яко новаго угодника Божия, умиленною душею и сокрушенным сердцем воспеваем тебе:
Радуйся, от малых лет Богом возлюбленный;
радуйся, путь девства и чистоты избравый.
Радуйся, сокровища мира сего ни во чтоже вменивый;
радуйся, благое иго Христово на себе восприемый.
Радуйся, великим старцем Алексием Зосимовским воспитанный;
радуйся, покровом Царицы Небесныя осененный.
Радуйся, светом благодати Божия осиянный;
радуйся, росою Духа Святаго напоенный.
Радуйся, достойный архиерею Бога Вышняго;
радуйся, крестный путь с паствою твоею прошедый.
Радуйся, землю нашу честною твоею кровию обагривый;
радуйся, православия столпе непоколебимый.
Радуйся, священномучениче Серафиме, града Дмитрова похвало и всея земли Российския преславный чудотворче.

Кондак 2

Ведый Всемилостивый Господь тя яко светильника веры истинныя, во дни гонений на Церковь Божию возжженный, благоизволи родитися тебе во граде Москве от родителей благочестивых протоиерея Иоанна и супруги его Евдокии. Ты же, родительское благочестие возлюбив, и веру православную от малых лет восприяв, от силы в силу восходил еси и благодать Божию стяжал еси, юже испроси получити и нам, чтущим тя и воспевающим прославльшему тя Богу: Аллилуия.

Икос 2

Разум просвещен от Бога имея, отче Серафиме, вкупе с богомудрым родителем твоим путь служения Церкви Божией и подвига духовнаго избрал еси, егда еще отрок мал быв, чтению, пению и молитве церковней научен был еси, не отходя от храма и пребывая в посте и молитве, сердце твое к Богу прилепляя. Мы же воспоминающе добродетельное житие твое, восхваляем тя сице:
Радуйся, рождением своим многих возвеселивый;
радуйся, благодатию Божиею осененый.
Радуйся, благочестивых твоих родителей отрадо и утешение;
радуйся, благочестия и веры их наследниче.
Радуйся, во святом крещении Николай нареченный;
радуйся, небеснаго покровителя твоего, святителя Николая, благоговейный почитателю.
Радуйся, от юности Христа всем сердцем возлюбивый;
радуйся, разумом Божественным просвещенный.
Радуйся, любовь к миру любовию Божиею победивый;
радуйся, чистоту сердца твоего издетска сохранивый.
Радуйся, яко советом родителя твоего, протоиерея Иоанна, последовал еси;
радуйся, путь служения Церкви избравый.
Радуйся, священномучениче Серафиме, града Дмитрова похвало и всея земли Российския преславный чудотворче.

Кондак 3

Сила Вышняго от юности осени тя, богомудре, и показа селение и дом Духа Святаго, ты бо разумом Божественных писаний обогатитися желая, во обители Сергиевой, под кровом Дома Живоначальныя Троицы, в учении книжнем пребывал еси, и напоил еси душу твою благочестия и мудрости водами, имиже и чад твоих духовных насыщал еси, научая их во Христа веровати и Ему одному служити, воспевая непрестанно благодарственную песнь: Аллилуия.

Икос 3

Имея в сердце твоем веру несумненну на всесильную помощь Божию, и прославление преподобнаго Серафима Саровскаго предвозвещая, к помощи великаго старца воззвал еси, отче всеблаженне, егда страшный недуг порази тя, яко готовися душа твоя от тела разлучитися. Ты же силою молитв Саровскаго чудотворца от лютыя смерти избавлен бысть, востав со одра твоего, аки николиже болевый. Сего ради мы таковому промышлению Божию о тебе радующеся, вопием ти с любовию:
Радуйся, от юности Богом избранный;
радуйся, еще во отрочестве любовию к слову Божию напоенный.
Радуйся, книжную премудрость возлюбивый;
радуйся, плоды учения Христова вкусивый.
Радуйся, под кровом обители Троице-Сергиевы воспитанный;
радуйся, в сердце твоем образ Христа непрестанно носивый.
Радуйся, преподобным Серафимом Саровским от болезни смертныя чудесно исцеленный;
радуйся, на путь исполнения заповедей Христовых вступивый.
Радуйся, очи сердечныя просветивый;
радуйся, душу свою непорочну явивый.
Радуйся, к подвижническому житию призванный;
радуйся, на жатву духовную Господем посланный.
Радуйся, священномучениче Серафиме, града Дмитрова похвало и всея земли Российския преславный чудотворче.

Кондак 4

Бурю страстей мира многомятежнаго с кротостию претерпевая, святче Божий, направил еси стопы твоя в обитель Зосимовскую к духовному учителю и прозорливому старцу Алексию, и предал еси себе в послушание тому, да наставит тя на путь подвига духовнаго. Он же, провидев твое призвание, благослови тя на постриг иноческий с именем преподобнаго Серафима Саровскаго, яко тому житием твоим подражающе, стяжал еси дух мирен и радость духовную, воспевая хвалебную песнь Богу: Аллилуия.

Икос 4

Слыша ближнии и дальнии богоугодное житие твое, возрадовашася, егда ты, яко плодоносная ветвь от благочестиваго корене священническаго, сподобился еси восприяти священный сан в день памяти Казанския иконы Божия Матере, и в Чудове монастыре Московскаго Кремля послушание восприим, добрый пастырь овец Христовых явился еси, сердца многих жителей стольнаго града просвещая, в вере и благочестии их утверждая. Темже тя вси яко учителя и наставника премудра по достоянию ублажаем и хвалим:
Радуйся, в послушание старцу Алексию Зосимовскому себе предавый;
радуйся, на путь иноческий тем направленный.
Радуйся, благословение старца с радостию приемый;
радуйся, Христу Богу себе обручивый.
Радуйся, имя в честь преподобнаго Серафима в пострижении достойно восприявый;
радуйся, в иноческих трудех и подвизех ему подражавый.
Радуйся, благодати священства сподобивыйся;
радуйся, во обитель Архангела Михаила на подвиг духовный пришедый.
Радуйся, священномученика Арсения друже и сомолитвенниче;
радуйся, яко с ним и ныне молитвы о нас возносиши.
Радуйся, землю Московскую молитвами твоими освятивый;
радуйся, серафимскою любовию к Богу и ближним пламеневый.
Радуйся, священномучениче Серафиме, града Дмитрова похвало и всея земли Российския преславный чудотворче.

Кондак 5

Боготечное ко Святей Земли совершая шествие с духовным другом твоим, иеромонахом Арсением, потщался еси, отче Серафиме, совершити поклонение святыням Иерусалима и Царьграда, со дерзновением Христу Богу мольбы о стране Российстей принося. Егда же приведе тя Спаситель ко Кресту Голгофскому, поклонился еси тому и прославил еси, Господа приявшаго муки и страдания за грехи наша, иже укрепи тя в грядущих испытаниих и страданиих за Церковь Его. отче святый, укрепи и нас на пути крестнем, и моли Христа Бога сердца наша любовию к Нему просветити, воспевая благодарственную песнь: Аллилуия.

Икос 5

Видел еси, отче Серафиме, яко буря гнева Божия найде на страну Российскую и народ ея, грехи своими Господа прогневавший. Тогда попусти Господь гонения и скорби на Церковь Святую и на верная чада Своя, да претерпевшии до конца спасени будут. Ты же, святе, Божественною любовию укрепляем, не убоялся еси людей нечестивых, злобы и хуления исполненных, но яко воин Христов изшед на брань духовную противу слуг земных миродержителя тьмы века сего, путь спасения людем небоязненно показуя, Христа исповедал еси даже до смерти. Мы же, почитающе твое непоколебимое мужество и подвигом жития твоего наставляеми, благодарне поем тебе сице:
Радуйся, во Святей Земли благодатию напитавыйся;
радуйся, яко Гробу Господню благоговейне поклонился еси.
Радуйся, по стопам Спасителевым ходивый;
радуйся, силою Креста Господня укрепленный.
Радуйся, благословение Святаго Града приемый;
радуйся, к Небесному Иерусалиму верный наш путеводителю.
Радуйся, Безкровныя Жертвы достойный совершителю;
радуйся, олтаря Господня истинный служителю.
Радуйся, угрозы гонителей безбожных презревый;
радуйся, веры православныя дерзновенный исповедниче.
Радуйся, в брань с князем тьмы века сего вступивый;
радуйся, многих чад духовных в стоянии за веру укрепивый.
Радуйся, священномучениче Серафиме, града Дмитрова похвало и всея земли Российския преславный чудотворче.

Кондак 6

Проповедник Евангельския любве и веры истинныя явился еси, отче Серафиме, егда избра тя Господь к служению епископскому во граде Дмитрове, благословением святаго патриарха Всероссийскаго Тихона, иже рече, вручая тебе архиерейский жезл в день памяти святителя Московскаго Петра: «буди утверждение граду Дмитрову, якоже святитель Петр граду Москве, иди путем апостольским, на многия труды и подвиги, на исповедническое житие и хранение веры православныя даже до крове». Ты же, святителю Божий, вся сия исполнивый и ныне в Царствии Небеснем пребываяй, буди наставник всем любящим тя и вопиющим Богу: Аллилуия.

Икос 6

Возсиял еси, яко светило пресветлое на престоле святительстем града Дмитрова, во дни гонений на Церковь Христову, архиерею Божий Серафиме, да светом Христова учения осияеши живущих во граде сем, и стоял еси до смерти за истину, соблюдающе паству твою от наветов вражиих, расколов и ересей. Темже вернии людие града Дмитрова прияша тя яко пастыря богомудраго и учителя, крепкаго молитвенника и помощника немощствующим, страждущим, чающим утешения, и пред Богом дивнаго ходатая, и в песнех духовных доныне воспевают тебе таковая:
Радуйся, благодатию Божиею на служение архиерейское призванный;
радуйся, жезл святительский от святаго патриарха Всероссийскаго Тихона приемый.
Радуйся, града Дмитрова светильниче пресветлый;
радуйся, благодатный его покровителю.
Радуйся, яко верных града Дмитрова святительством твоим зело обрадовал еси;
Радуйся, яко подвиг служения своего дерзновенно и безбоязненно пронесл еси.
Радуйся, иерархов Христовых украшение;
радуйся, пастырей Церкве наставниче премудрый.
Радуйся, образ архипастыря православнаго верным показавый;
радуйся, многих ко спасению наставивый.
Радуйся, Богом врученныя тебе паствы верный хранителю;
радуйся, истинный делателю винограда Христова.
Радуйся, священномучениче Серафиме, града Дмитрова похвало и всея земли Российския преславный чудотворче.

Кондак 7

Хотя добре пасти вверенную ти от Бога паству, святителю Серафиме, пришел еси за советом к духовному отцу твоему, старцу Алексию Зосимовскому. Той же, познав святую волю Господню о тебе, и Богу яко дар совершен принося, благослови тя крестом червленым, воспевая яко священномученику: «слово истины исправляя веры ради пострадал еси даже до крове», тем пророчествуя страдальческий путь твой и мученическую кончину за Христа. Ты бо, владыко святый, крест сей на персех носил еси, знаменуя велию любовь к распеншемуся за ны Христу Богу нашему, и воспевая Ему благодарственную песнь: Аллилуия.

Икос 7

Новый подвиг предстояше ти, святителю Божий Серафиме, держава бо Российская паде и лютым безбожником во власть предадеся, иже святыя храмы оскверниша, обители иноческия разориша, многия христианы православныя убиша, но идеже умножахуся страдания, тамо преизобилова благодать Божия. Такоже и ты, благодатию тою укрепляем, велия скорби и болезни, изгнания, истязания и мучения в темницех претерпел еси. Темже с любовию восхваляем тя сице:
Радуйся, непобедимою силою Креста Христова вооруживыйся;
радуйся, путь страдания за Господа избравый.
Радуйся, крест свой, Христу последуя, носивый;
радуйся, яко и нам нести свой крест молитвами твоими помогаеши.
Радуйся, поношения многая от безбожных мужественно претерпевый;
радуйся, страдания и мученическую смерть свою предуведевый.
Радуйся, чад своих духовных безбожнаго гонения не страшитися научаяй;
радуйся, сущих в темницех и узах утешителю.
Радуйся, лжеучителей лукавство разоривый;
радуйся, во мгле безбожия путь спасения многим указавый.
Радуйся, веры православныя богомудрый учителю;
радуйся, истиннаго благочестия насадителю.
Радуйся, священномучениче Серафиме, града Дмитрова похвало и всея земли Российския преславный чудотворче.

Кондак 8

Странствия земнаго течение совершая, не восхотел еси волю нечестивых еретиков обновленцев творити и от веры истинныя отступити, но обличал еси их богомудрыми словесы твоими, и твердо противостал еси им, паству твою в благочестии утверждая и возвращая в лоно Церкве Православныя. Темже исполнишася на тебе слова апостола Павла, яко вси хотящии благочестиво жити о Христе Иисусе гоними будут, тогда бо власть имущии, ярости исполнившеся, многими напастьми на тя нападоша и в темницу ввергоша. Ты же, смиренно тяготы гонения от богоборцев претерпевая, воспевал еси Богу ангельскую песнь: Аллилуия.

Икос 8

Всем сердцем предался еси Богу, святителю Серафиме, в терпении и кротости пренося заточение темничное, и Духом Святым укрепляем, сподобился еси видения лика Христа Бога нашего в одеянии белом, якоже белильник не может убелити. Тогда радость неизреченная озари тя, отче святый, и сложися во уме и в сердце твоем акафист страждущему Христу Спасителю, Емуже воспевал еси: «в несении креста спасительнаго, десницею Твоею мне ниспосланнаго, укрепи мене, вконец изнемогающаго». Темже с любовию тя чтуще, восхваляем сими похвалы:
Радуйся, вольным Христовым страданием подражателю;
радуйся, посреде лютых гонений мужественный веры истинныя хранителю.
Радуйся, за веру православную в темницу заключенный;
радуйся, Господом в страданиих укрепленный.
Радуйся, в темнице мрачней видением дивным утешенный;
радуйся, чистотою сердца твоего зрети Христа Бога сподобивыйся.
Радуйся, заточения, муки и болезни со смирением безропотно претерпевый;
радуйся, в терпении твоем диавола победивый.
Радуйся, еретиков обновленцев мужественный обличителю;
радуйся, паствы твоея добрый наставниче.
Радуйся, святителю Тихону верность до конца сохранивый;
радуйся, правую веру подвиги твоими непреложно утвердивый.
Радуйся, священномучениче Серафиме, града Дмитрова похвало и всея земли Российския преславный чудотворче.

Кондак 9

Всякое естество ангельское и человеческое терпению и мужеству твоему дивится, ты бо, по заповеди Господней «блажени изгнани правды ради, яко тех есть Царствие Небесное», претерпел еси поношения, заточения темничная, многолетная изгнания, не имый где главу подклонити, претерпевая нужду, глад, хлад и инии муки за Христа и Его Святую Церковь, и яко исповедник веры истинныя, подражал еси долготерпению Божественнаго Страдальца, воспевая Ему в радости духовней: Аллилуиа.

Икос 9

Ветия многовещанныя не возмогут по достоянию восхвалити подвиги твоя, мучениче и исповедниче Христов, како непобедимою силою Божиею вся козни врага посрамил еси. Егда же на время из темницы изведен бысть, страдальче, сподобился еси в Дивеевстей обители зрети Владычицу нашу, Пресвятую Богородицу. Сего ради мы, надеждою на предстательство о нас Матере Господа согреваеми, с любовию вопием ти сице:
Радуйся, в лишениих и гонениих течение жизни твоея безропотно совершивый;
радуйся, заповеди Христовы до конца сохранивый.
Радуйся, терпением напастей иову многострадальному уподобивыйся;
радуйся, яко злато в горниле страстей искусивыйся.
Радуйся, благодатию Христа Бога нашего освященный;
радуйся, любовию Пречистыя Его Матере осененный.
Радуйся, все упование на Матерь Божию возложивый;
радуйся, во дни и нощи молитвы к Ней возносивый.
Радуйся, видением Царицы Небесе и земли в Дивееве утешенный;
радуйся, Богородицу и Матерь Света прославивый.
Радуйся, яко благоволением Пречистыя Девы ныне возвеличен еси;
радуйся, яко с Нею и о нас грешных молишися.
Радуйся, священномучениче Серафиме, града Дмитрова похвало и всея земли Российския преславный чудотворче.

Кондак 10

Спасти хотя чада твоя духовная, во множестве к тебе притекающая во времена лихолетия и гонений на Церковь Христову, милость Божию на люди, дарованныя тебе, привлекал еси молитвами твоими, подавая страждущим помощь, болящим исцеления, недоумевающим вразумление, и заповедал еси всем любовь к Богу хранити, яко корень всех благ. Темже и мы, молитвами твоими ограждаеми, Царя Небесе и земли прославляем, воспевающе Ему благодарственную песнь: Аллилуиа.

Икос 10

Стена и покров явился еси, святителю Серафиме, не токмо верным людем града Дмитрова, но и всем любящим тя и силу молитв твоих познавшим, ты бо мудрость старческую стяжал еси и благодатных дарований от Бога сподобился еси: дара совета, прозорливости, исцелений душевных и телесных недугов, и многим чадом твоим духовным указал еси путь в Небесныя обители, идеже ныне молишися о всех чтущих тя и зовущих таковая:
Радуйся, древо, плоды благодатных дарований украшенное;
радуйся, звездо путеводная всем ищущим спасения.
Радуйся, дар чудотворения от Господа получивый;
радуйся, целителю недугов душевных и телесных.
Радуйся, духом премудрости и разума озаренный;
радуйся, даром прозорливости просиявый.
Радуйся, тайных помышлений человеческих зрителю;
радуйся, грехов сокровенных обличителю.
Радуйся, духом совета и рассуждения почтенный;
радуйся, проповедниче любве и покаяния.
Радуйся, в богомудрых писаниих твоих сокровище духовное нам оставивый;
радуйся, старче благодатный и кроткий.
Радуйся, священномучениче Серафиме, града Дмитрова похвало и всея земли Российския преславный чудотворче.

Кондак 11

Пение Богу и Пречистей Его Матери непрестанно в сердце твоем принося, священномучениче Серафиме, в годы лихолетия призывал еси всех верных укреплятися благодатию в таинствах церковных, наипаче же причащатися Тела и Крове Христовых, и к пасхальней радости Воскресения Христова приобщатися. Темже гонимый из веси в весь и многи скорби и болезни терпя, Божественную литургию ежедневно совершал еси до последних дней жизни твоея, воспевая Богу благодарственную песнь: Аллилуиа.

Икос 11

Светом любве Божественныя объят был еси, священномучениче Серафиме, егда во дни гонений кровавых призывал еси соузников твоих и чад духовных радоватися, ибо чрез страдания временная готовится верным радость вечная. Темже молим тя, открый нам грешным тайну сия радости, утеши нас немощных в скорбех и унынии, простри нам руку помощи, покрый нас теплым твоим заступлением, и вечныя радости сподоби достигнути, да научаеми тобою, восхваляем тя песньми таковыми:
Радуйся, чада твоя духовная в темницех и гонениих пребывая, не оставивый;
радуйся, молитвами твоими тех покрываяй.
Радуйся, церковных таинств благоговейный совершителю;
радуйся, древним подвижником Святыя Руси уподобивыйся.
Радуйся, верныя к радости духовней призываяй;
радуйся, радоватися о Господе и нас научаяй.
Радуйся, радосте и покрове всех к тебе прибегающих;
радуйся, нетленныя радости святых сопричастниче.
Радуйся, за Церковь Христову душу свою положивый;
радуйся, на Небеси и на земли прославленный.
Радуйся, светильниче, огнем Духа Святаго возжженный;
радуйся, у Престола Божия теплый о нас предстателю.
Радуйся, священномучениче Серафиме, града Дмитрова похвало и всея земли Российския преславный чудотворче.

Кондак 12

Благодатию Божественною огражденный, священномучениче Серафиме, не убоялся еси гонителей Церкве Христовы, и молитвами отражая страх человеческий, небоязненно шествовал еси к месту твоего заключения во граде омске, идеже даде тебе Господь испити последнюю чашу горьких страданий и мученическую смерть восприяти. Ты же, яко агнец незлобив, с радостию вся претерпел еси, и верен остался еси Христу даже до смерти, с благодарением взывая Ему победную песнь: Аллилуиа.

Икос 12

Поюще твоя чудеса и прославляюще подвиги, имиже тя Христос возвеличи, яко вернаго служителя Церкве Божия, славим долготерпение твое, ублажаем мученическую кончину, и радуемся прославлению твоему во дни Собора Всероссийскаго в лице новомучеников и исповедников земли нашея, ведуще, яко кровь мучеников семя новыя жизни во Христе есть, еюже вся страна Российская спасается. Темже надежду на помощь и любовь твою имуще, молим тя: поминай нас, совершающих священную память твою, и с радостию вопиющих ти таковая:
Радуйся, до последняго дыхания Господу послуживый;
радуйся, славно совершивый путь, от Христа тебе пронареченный.
Радуйся, к лику священномучеников сопричтенный;
радуйся, новый светильниче веры и благочестия.
Радуйся, апостолом Христовым сопрестольниче;
радуйся, достойный ангелов собеседниче.
Радуйся, новомучеников Российских красото и славо;
радуйся, яко со всеми святыми ныне торжествуеши.
Радуйся, яко с Пресвятою Девою Богородицею о спасении нашем Христа умоляеши;
радуйся, к покаянию и молитве за Русь Православную всех верных призываеши.
Радуйся, града Дмитрова и всея земли Московския защитниче и покровителю;
радуйся, яко и первопрестольный град Москва тобою хвалится.
Радуйся, священномучениче Серафиме, града Дмитрова похвало и всея земли Российския преславный чудотворче.

Кондак 13

О преславный угодниче Божий, священномучениче Серафиме, скорый помощниче всем с верою к тебе прибегающим, приими от нас недостойных хвалебное сие пение, и твоими святыми молитвами поющих тя в Православии утверди, от бед и напастей избави, скорбный путь жития нашего в радость претвори, и научи волю Божию творити, да сподобимся Христу Богу предстати, и вкупе с тобою в селениих небесных воспевати ангельскую песнь: Аллилуиа.

Этот кондак читается трижды, затем икос 1-й: «Ангелов Творец и всея твари Создатель…», и кондак 1-й: «Избранный от Бога архиерею…»

СВЯЩЕННОМУЧЕНИКУ СЕРАФИМУ, ЕПИСКОПУ ДМИТРОВСКОМУ

МОЛИТВА

О преславный угодниче Божий, священномучениче Серафиме, скорый помощниче и молитвенниче всех с верою к тебе прибегающих! Ты от юности твоея Христа возлюбил еси, и монашеское житие восприяв, был еси пастырь добрый всем духовным чадом твоим. Егда же во дни безбожия и гонения на веру истинную призва тя Господь к архиерейскому служению, ты подвиг святительский дерзновенно и безбоязненно подъял еси, жестокая гонения, изгнания, страдания претерпел еси, и кровию твоею верность Христу запечатлел еси. Темже венец мученический приим, ныне на Небеси молитвы наша приемлеши. Мы же, преклоньше колена сердец наших, яко верная чада отца духовнаго, молим тя: укрепи нас в любви ко Господу, в радости духовней, в мужественнем стоянии за веру православную, сохрани от пагубных ересей, упаси и заступи овец твоих среди лжеучений, от расколов и разделений огради, да пребудем в лоне Церкве Православныя, и подаждь всем нам твое архиерейское святое благословение, да осеняеми оным избавимся от сети диавола и от всех козней его. отче святый, помози нам в мире сем жити целомудренно, праведно и благочестиво, в час же смертный спаси и сохрани от горьких мытарств, да твоими молитвами сподобимся Царствия Небеснаго. Еще молим тя: укроти в стране нашей ветры неверия и смуты, да водворит Господь на земли нашей тишину, благочестие и любовь, да возродится она святым покаянием и прославит дивнаго во святых Своих Бога, в Троице славимаго, Отца, и Сына, и Святаго Духа, во веки веков. Аминь.

ИНА МОЛИТВА, ЧТОМАЯ ВО ГРАДЕ ДМИТРОВЕ И В ХРАМЕХ ВО ИМЯ СВЯЩЕННОМУЧЕНИКА СЕРАФИМА, ЕПИСКОПА ДМИТРОВСКАГО

О архиерею Божий, священномучениче Серафиме, града Дмитрова хранителю и о всех нас усердный молитвенниче, услыши нас, грешных чад твоих, собравшихся днесь во святем храме имене твоего, и умиленно вопиющих сердцем сокрушенным и смиренным тебе, ходатаю милостивому к Богу и молитвеннику: якоже на престоле святительстем во граде Дмитрове, молися и ныне ко Господу, да избавит храм сей и вся храмы земли нашея от всякаго зла, от враг видимых и невидимых, да подаст пастырем нашим святую ревность попечения о спасении вверенных им людей, во еже слабыя и немощныя в вере укрепляти, неведущия наставляти, плачущия утешати, противящияся обличати. Еще молим тя, укрепи нас в любви ко Господу, в радости духовней и мужественнем стоянии за веру православную, всем нам даруй здравие душевное и телесное, победу и одоление на невидимых врагов, яко да молитвами твоими спасаеми, славим Пресвятую Троицу, Отца, и Сына, и Святаго Духа, и твое милостивое предстательство ныне, и присно и во веки веков. Аминь.

СВЯЩЕННОМУЧЕНИКУ СЕРАФИМУ, ЕПИСКОПУ ДМИТРОВСКОМУ

Тропарь, глас 4:

Днесь светло радуются вернии града Дмитрова, / и вся Церковь Русская духовно торжествует, / восхваляюще священномученика Серафима, / иже страдания, заточения и смерть от богоборцев претерпев, / и венец мученический прияв на Небеси, / ныне со всеми святыми Престолу Владыки Христа предстоит, / моляся о спасении душ наших.

Кондак, глас 2:

Якоже серафим пламенный, молитвою к Богу горя, / священномучениче Серафиме, / во изгнаниих же и темницех много пострадал еси, / и непоколебим верою пребыв, / жизнь твою положил еси за Христа. / Сего ради мы сошедшеся в память твою, / верою и любовию вопием: / радуйся, града Дмитрова и земли Московския / похвало и утверждение.

Величание

Величаем тя, священномучениче Серафиме, и чтим святую память твою, ты бо молиши о нас Христа Бога нашего.

©Акафист составлен А. Трофимовым

Добавьте комментарий

Нажмите, чтобы оставить комментарий

ПАМЯТНЫЕ ДАТЫ

18 МАРТА – НАЧАЛО ВЕЛИКОГО ПОСТА
post
ВЕЛИКИЙ ПОСТ. ЧИТАТЬ ДАЛЕЕ…

ПАМЯТНЫЕ ДАТЫ

ПЕРВАЯ СЕДМИЦА ВЕЛИКОГО ПОСТА
post3
ПЕРВАЯ СЕДМИЦА ВЕЛИКОГО ПОСТА. ЧИТАТЬ ДАЛЕЕ…

К 100 ЛЕТИЮ МАРИИ СЕРГЕЕВНЫ ТРОФИМОВОЙ. ЦИТАТЫ ИЗ ДНЕВНИКОВ

К 100 ЛЕТИЮ МАРИИ СЕРГЕЕВНЫ ТРОФИМОВОЙ
К 100 ЛЕТИЮ МАРИИ СЕРГЕЕВНЫ ТРОФИМОВОЙ.
ЦИТАТЫ ИЗ ДНЕВНИКОВ

ПРЕПОДОБНЫЙ СТАРЕЦ АЛЕКСИЙ (СОЛОВЬЕВ)

Старец Алексий жил в Сергиевом Посаде, когда по указанию безбожной власти начали вскрывать мощи святых. Старец печалился об этом и много молился, недоумевая – почему Господь попускает совершаться такому злу? Однажды вечером, когда он совершал молитвенное правило, рядом с ним встал прп. Сергий Радонежский и сказал:
– Молись три дня и постись, и после этого я скажу тебе то, что
нужно.
В следующие два дня, когда отец Алексий молился, снова вставал с ним рядом прп. Сергий. Отец Алексий питался в эти дни одной просфорой. На третий день преподобный сказал:
– Когда подвергаются такому испытанию живые люди, то необходимо, чтобы этому подвергались и останки людей умерших. Я сам отдал тело свое, чтобы град мой во веки был цел.

2 МАЯ 2001 г. ОСВЯЩЕНИЕ ЧАСОВНИ СВ. МАТРОНЫ В Г. СХОДНЯ

ПАМЯТНЫЕ ДАТЫ

17 МАРТА – НЕДЕЛЯ СЫРОПУСТНАЯ. ПРОЩЕНОЕ ВОСКРЕСЕНЬЕ. ЗАГОВЕНЬЕ НА ВЕЛИКИЙ ПОСТ
ПРАОТЕЦ АДАМ. ФРЕСКА. КОНСТАНТИНОПОЛЬ. 1416-1321 гг.
ПРОЩЕНОЕ ВОСКРЕСЕНЬЕ. ЧИТАТЬ ДАЛЕЕ…

ПАМЯТНЫЕ ДАТЫ

ПАМЯТНЫЕ ДАТЫ

14 МАРТА – ДЕНЬ АНГЕЛА АНТОНИНЫ СЕРГЕЕВНЫ ОРЛОВОЙ (ТРОФИМОВОЙ)

АНТОНИНА СЕРГЕЕВНА ОРЛОВА (ТРОФИМОВА). ЧИТАТЬ ДАЛЕЕ…

ПАМЯТНЫЕ ДАТЫ

13 МАРТА – ПРЕПОДОБНЫЕ МАРИНА И КИРА БЕРИЙСКИЕ

ПРЕПОДОБНЫЕ МАРИНА И КИРА БЕРИЙСКИЕ. ЧИТАТЬ ДАЛЕЕ…

ПАМЯТНЫЕ ДАТЫ

10 МАРТА – 70 ЛЕТ СО ДНЯ КОНЧИНЫ СТАРЦА ЗОСИМОВОЙ ПУСТЫНИ ИЕРОСХИМОНАХА ИННОКЕНТИЯ (ОРЕШКИНА; 05.06.1870–10.03.1949)
ИЕРОСХИМОНАХ ИННОКЕНТИЙ (ОРЕШКИН)
ИЕРОСХИМОНАХ ИННОКЕНТИЙ (ОРЕШКИН ИВАН ИГНАТЬЕВИЧ). ЧИТАТЬ ДАЛЕЕ…

ВЕЧЕР ПАМЯТИ МАРИИ СЕРГЕЕВНЫ ТРОФИМОВОЙ

ДЕНЬ АНГЕЛА МАРИИ СЕРГЕЕВНЫЙ ТРОФИМОВОЙ

25 ИЮЛЯ — ДЕНЬ АНГЕЛА МАРИИ СЕРГЕЕВНЫ ТРОФИМОВОЙ

29 МАРТА — ДЕНЬ ПАМЯТИ МАРИИ СЕРГЕЕВНЫ ТРОФИМОВОЙ

ПАМЯТНЫЕ ДАТЫ. К 100 ЛЕТИЮ МАРИИ СЕРГЕЕВНЫ ТРОФИМОВОЙ

О МЕСЯЦЕ МАРТЕ

Мама жила в ритме природы, постоянно любовалась своим садом в разное время года, специально выходила помолиться среди кустов и деревьев. В течение многих лет она делала выписки из разных книг и статей по народному календарю: там были сведения о приметах погоды в связи с церковным календарем, о прилете и отлете птиц, о свойствах и красоте цветов, деревьев и других растений, а также камней и минералов. Мы постоянно выписывали журнал «Наука и жизнь», из которого мама вырезала и подшивала ежемесячные заметки о природе и календаре. Из того, что собрала мама, можно было бы составить интереснейшую книгу. Все эти материалы были постоянно «в ходу»: когда приходили очередные посетители, мама открывала раздел своего собрания, соответствующий месяцу, неделе и даже конкретному дню и начинала читать выдержки. В такие минуты я не выдерживал, оставлял все свои дела и присоединялся к слушателям…

К сожалению, размеры книги не позволяют опубликовать интереснейшие сведения, которые собрала мама по народному календарю. Поэтому вниманию читателей предлагается лишь один календарный месяц – март. Весна была любимым временем года, а март – любимым ее месяцем, недаром в нем совершились столько важнейших событий ее жизни. 21 марта родился я, в марте сделали маме серьезную операцию, в марте умер мой отец, в марте отошла в вечность и мама. Она знала, что уйдет из жизни в марте, знала даже число – 29-е, о чем сохранились такие свидетельства: за день до смерти она попросила меня снять все деньги с ее пенсионной книжки, чтобы не нужно было потом ходить по инстанциям и оформлять наследство (и здесь, даже перед лицом смерти она думала о том, как избавить сына от лишних хлопот). Сохранился листок с выпиской из церковного календаря, сделанный рукой мамы: на нём записаны даты от 27 до 31 марта с указанием памяти святых каждого дня. Сделана эта запись много лет назад, еще до смерти отца, и именно в этом интервале умерли отец (27 марта) и мама (29 марта – день памяти мученика Трофима).

О МЕСЯЦЕ МАРТЕ. ЧИТАТЬ ДАЛЕЕ

МАРТ. ДЕНЬ ЗА ДНЕМ. ЧИТАТЬ ДАЛЕЕ

А. Трофимов

ИСТОРИЧЕСКИЙ КАЛЕНДАРЬ

О МОЛИТВЕ

http://alexandrtrofimov.ru/wp-content/uploads/2014/05/7mol10.jpg

Дорогие посетители сайта, пришло время вспомнить и восстановить древнюю ветхозаветную и апостольскую традицию – семиразовую молитву в течение суток, совершаемую каждые три часа (в 6, 9, 12, 15, 18, 21, 24 часа). Эта молитва особенно действенна в условиях испытания, посланного нам – угрозы распространения коронавирусной инфекции.
Предлагаю Вам ознакомиться с главой из книги «РИТМЫ ЦЕРКОВНОГО ГОДА», написанной много лет назад и размещенной на этом сайте: О СЕМИРАЗОВОЙ МОЛИТВЕ В ТЕЧЕНИЕ СУТОК. ЧИТАТЬ ДАЛЕЕ… http://alexandrtrofimov.ru/?p=766
В ней дается историческое и богословское обоснование необходимости этой молитвы. Сейчас, в условиях карантина православным людям совсем не сложно включиться в этот молитвенный ритм.
Присоединяйтесь к ежедневной семиразовой молитве, рассылайте текст статьи и сообщения о ней своим друзьям и знакомым.
***
Святейший Патриарх Кирилл благословил молитву, которую уже произносят за богослужением во всех православных храмах, ее можно присоединить к семиразовой молитве:
МОЛИТВА ВО ВРЕМЯ РАСПРОСТРАНЕНИЯ ВРЕДОНОСНОГО ПОВЕТРИЯ ЧТОМАЯ
Господи Боже наш, не вниди в суд с рабы Твоими, и огради нас от губительнаго поветрия на ны движимаго. Пощади нас смиренных и недостойных рабов Твоих в покаянии с теплою верою и сокрушением сердечным к Тебе милосердному и благопременительному Богу нашему припадающих и на милость Твою уповающих. Твое бо есть, еже миловати и спасати ны, Боже наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Александр Трофимов

ПАМЯТНЫЕ ДАТЫ

25 ЯНВАРЯ - ДЕНЬ АНГЕЛА ТАТИАНЫ ВАСИЛЬЕВНЫ ТРОФИМОВОЙ (1886–1934), МАТЕРИ МАРИИ СЕРГЕЕВНЫ ТРОФИМОВОЙ

23 ФЕВРАЛЯ – ПАМЯТЬ ПОЭТА ДАВИДА САМОЙЛОВА

«БЫЛА ТУМАННАЯ ВЕСНА…» СТИХИ ДАВИДА САМОЙЛОВА, МУЗЫКА НЕИЗВЕСТНОГО АВТОРА, ИСПОЛНЯЕТ ЛЕОНИД ЭРДМАН

Помощь в издании книг

Благодарю за любую Вашу помощь! Присылайте Ваши имена для молитвенного поминовения на электронную почту atrofimovmail@yandex.ru

НАША СТРАНИЧКА ВКОНТАКТЕ

ДОБРО ПОЖАЛОВАТЬ!

Наша страничка в facebook

Video

3 ноября – ПАМЯТЬ ПРЕПОДОБНОМУЧЕНИКА НЕОФИТА (ОСИПОВА) – ЛИЧНОГО СЕКРЕТАРЯ ПАТРИАРХА ТИХОНА

АКАФИСТ СВЯТЕЙ ПРЕПОДОБНОМУЧЕНИЦЕ ВЕЛИЦЕЙ КНЯГИНЕ ЕЛИСАВЕТЕ

Грек Зорба

Грек Зорба

АКАФИСТЫ, СОСТАВЛЕННЫЕ АЛЕКСАНДРОМ ТРОФИМОВЫМ

АКАФИСТ ПРЕСВЯТЕЙ БОГОРОДИЦЕ В ЧЕСТЬ ИКОНЫ ЕЯ ИЕРУСАЛИМСКИЯ

АКАФИСТ ПРЕСВЯТЕЙ БОГОРОДИЦЕ В ЧЕСТЬ ИКОНЫ ЕЯ ВАЛААМСКИЯ

АКАФИСТ ПРЕСВЯТЕЙ БОГОРОДИЦЕ В ЧЕСТЬ ИКОНЫ ЕЯ «ПРИБАВЛЕНИЕ УМА»

АКАФИСТ ПРЕСВЯТЕЙ БОГОРОДИЦЕ В ЧЕСТЬ ИКОНЫ ЕЯ КОРСУНСКИЯ (ЕФЕССКИЯ)

АКАФИСТ ПРЕСВЯТЕЙ БОГОРОДИЦЕ В ЧЕСТЬ ИКОНЫ ЕЯ КОЛОЧСКИЯ

АКАФИСТ СВ. АП. И ЕВ. ИОАННУ БОГОСЛОВУ

АКАФИСТ СВ. МЧЧ. ФЛОРУ И ЛАВРУ

АКАФИСТ СВТТ. АФАНАСИЮ И КИРИЛЛУ, АРХИЕП. АЛЕКСАНДРИЙСКИМ

АКАФИСТ СВТ. ТИХОНУ, ПАТРИАРХУ МОСКОВСКОМУ И ВСЕЯ РОССИИ

АКАФИСТ СВВ. ЦАРСТВЕННЫМ СТРАСТОТЕРПЦЕМ

АКАФИСТ ПРП. ИЛИИ МУРОМЦУ

АКАФИСТ ПРП. АНТОНИЮ ДЫМСКОМУ

АКАФИСТ ПРП. ВАРЛААМУ СЕРПУХОВСКОМУ

АКАФИСТ ПРП. ОТРОКУ БОГОЛЕПУ ЧЕРНОЯРСКОМУ

АКАФИСТ СВ. ПРАВ. ИОАННУ РУССКОМУ

АКАФИСТ ПРП. ПАИСИЮ ВЕЛИЧКОВСКОМУ

АКАФИСТ ПРП. ВАРНАВЕ ГЕФСИМАНСКОМУ

АКАФИСТ СВМЧ. СЕРАФИМУ (ЗВЕЗДИНСКОМУ), ЕП. ДМИТРОВСКОМУ

АКАФИСТ ПРПМЧЧ. СЕРАФИМУ И ФЕОГНОСТУ АЛМА-АТИНСКИМ

АКАФИСТ ПРП. СЕРАФИМУ ВЫРИЦКОМУ

АКАФИСТ СЩМЧ. ЯРОСЛАВУ ЯМСКОМУ

АКАФИСТ ПРП. СИЛУАНУ АФОНСКОМУ

АКАФИСТ СВ. ВМЧЦ. МАРИНЕ

АКАФИСТ СВ. РАВНОАП. ВЕЛ. КН. ОЛЬГЕ

АКАФИСТ ПРП. БЛГВ. КН. ЕВФРОСИНИИ МОСКОВСТЕЙ

АКАФИСТ СВ. ПРАВ. ИУЛИАНИИ МИЛОСТИВЕЙ, ЯЖЕ В СЕЛЕ ЛАЗАРЕВЕ

АКАФИСТ БЛЖ. КСЕНИИ ПЕТЕРБУРЖСТЕЙ

АКАФИСТ ПРПМЦ. ВЕЛ. КН. ЕЛИСАВЕТЕ

АКАФИСТ ВСЕМ СВ. ЖЕНАМ, В ЗЕМЛИ РОССИЙСТЕЙ ПРОСИЯВШИМ

АКАФИСТ СОБОРУ СВ. ВРАЧЕЙ-БЕЗСРЕБРЕНИКОВ-ЦЕЛИТЕЛЕЙ И ЧУДОТВОРЦЕВ

СПИСОК ВСЕХ СТАТЕЙ

Рубрики

ИКОНА ДНЯ

КАЛЕНДАРЬ

СЧЕТЧИК